Piemontèis

di Alberto Asinari

J’autor de ste note, Enrico fieul ed Silvio ch’ l’era fieul ed Neftali e Pier Luigi fieul ed Marco, a ringrassio ij letor ch’a l’avran la passiensa ‘d lese edcò sta cita premessa an lenga tradissionala.

Pivron a l’è un pais dont l’origin ufissial a’ rmonta al prim de dzèmber 1202, con l’acorpament ed tre borgh motobin antich, dont un 3000 agn fa a ospitava na fonderia d’utiss en bronz ed gran pregi.
La famija Ollearo, resident da temp imemorabil en Pivron, del 1862 as divid en tra catòlich e evangelich dòp che ‘nt el pais as verìfica la division religiosa ed na part ed person-e ch’a aderisso a la Riforma Protestanta; un dij prinsipaj autor dla svòlta a l’è Battista Ollearo, grand ed Neftali e Marco.
Ant la fotografia i vedoma Clemente Ollearo con soa fomna Francesca Clementina Pastore, pare e mare dij doi costrutor ed mòto: a l’è stait merit ed Clemente, masoè dl’ing. Camillo Olivetti, fondator ed l’Olivetti se Nefali a l’è vnu mecanich ed gran talent.

J’autor as escuso per sta part ed test escrita ‘n piemonteis, ma pudoma nen dismentié che le motociclette protagoniste de sta stòria a son estaite fabricà da ‘d person-e ch’a parlavo scasi esclusivament esta lenga, ancheuj belavans desconossua a la pi part.